કોલેજમાં 17-18 વર્ષનાં છોકરા છોકરી સાથે 

સવારમાં નવ વાગ્યાનું લેકચર લેવા ક્લાસમાં ઘૂસીતો જાટકો લાગી ગયો. શિયાળાની સવારે ગલુડિયા ચોટીને સુતા હોય તેમ છોકરા છોકરી એકબીજાને અડીને બેઠેલા.પહેલાતો બહુ અજુગતું લાગ્યું. અમારી પેઢી આ ટચ બાબતે બહુ જાગૃત હતી. અમે જયારે 18 વર્ષના હતા ત્યારે , 'ભૂલથી ' જો છોકરી છોકરાને અડી લે તો છોકરો મહિના સુધી નહાતો નહિ. એની સુગંધ ના ધોવાઇ જાય એટલે.

પણ હવે તો ટચાટચી છોકરા છોકરીઓમાં કોમન વાત છે.એકબીજાને નિર્દોષ ધબ્બા મારતી વખતે તેમના મનમાં કોઈ ગંદા પરપોટા ફૂટતા નથી. વાંધો આપણી નજરમાં છે. છોકરા છોકરી કોન્વેન્ટમાં ભણે , ફાંકડું અંગ્રેજી બોલે તો અભિમાનથી ફાટી જઈએ. પછી સંસ્કારની પીપુડી વગાડીયે।આ કઈ થોડી રાજશ્રી પ્રોડક્સન ની ફિલ્મ છે કે બધું મળે.આપણે દૂરદર્શન વાળાખરાને , હોટ સ્ટાર પચતું નથી. હવે તો જમાનો તેજ છે. આમના મિત્ર થઈને જ જીવવામ માં મજા છે.

P.S.

અપડેટ થતા રહેવું નહિતર windows Xpની  હેંગ થઇ જઈશું